निशा धुंद होते

वृत्त  - भुजंगप्रयात

ल गा गा ल गा गा.... ल गा गा ल गा गा
१ २ २ १ २ २.... १ २ २ १ २ २ = २० मात्रा

निशा धुंद होते तुझ्या आठवांनी
कसे लोचने ही भिजे आसवांनी।।धृ।।

मिठी सैल होता दुरावा कशाला?
निशा धुंद होते पुरावा कशाला?
मला वेड लागे तुझ्या या खुणांनी।१।।

तुलाही कळेना मलाही कळेना
जगाया जिवाला निमित्ते मिळेना!
खुळा जीव होतो तुझ्या पैंजणांनी।।२।।

किती आठवू मी तुला रोज आता?
तुझा होत आहे कसा भास आता
दिली हाक तुला कसे स्वप्नांनी।।३।।

यल्लप्पा सटवाजी कोकणे
१९ मे २०१७