दगड मन
आपल्या माणसांची मनं
लवकर का कळत नाही?
त्यांच्या वागण्याचा अंदाज
आजही का लागत नाही?
आजकाल आपली मनं ही
कोणाशीही का जूळत नाही?
त्रासलेलं दुःखी मन आपलं
कोणालच कसं कळत नाही?
जाऊ लागले तडे नात्याला
संशयात ती टिकत नाही
दगड मनाच्या माणसांत
पालवी का फुटत नाही?
आयुष्य संपले दुसर्‍यासाठी
कोणीही कसं जाणत नाही?
स्वतःकडे ही लक्ष देण्यास
वेळ का कधी मिळत नाही?
यल्लप्पा सटवाजी कोकणे
०४ जुलै २०१७
घाईत जन्म गेला सारा
नव्हता निवांत जगण्यास
झाला उशीर म्हणून भावकी
करी घाई ताटी बांधण्यास
यल्लप्पा सटवाजी कोकणे
०७ जुलै २०१७
वृत्त - आनंदकंद
गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा
नेता खुशाल गेला फसवून देश माझा
आता कशास झाला हैराण देश माझा?
झाले महाग सारे जगणेच भारताचे
घेतो कसे तरीही सोसून देश माझा?
सृष्टीत देश सारा आहे नटून ऊभा
सार्‍या जगात आहे शोभून देश माझा
स्वातंत्र्य मागण्याला सामील लाख झाले
रक्तात न्हात होता हासून देश माझा
तेथे जवान होता झेलीत ऊन वारा
सीमा अजून आहे राखून देश माझा
यल्लप्पा सटवाजी कोकणे
१२ ऑगस्ट २०१७
