आजारपण
रुसलेत शब्द आज माझे
लाडक्या माझ्या लेखणी वर,
आहे त्रस्त आजारात म्हणूनी
उमटली नाही कविता कागदावर !
तयार झाल्या मनात रचना
शब्दांत मांडता आल्या नाही,
रूग्णालयी उपचार घेता घेता
कागदावर टिपता आल्या नाही !
होते भयाण चार दिवस ते
गेली थकून माझी भार्या,
पैसा वेळ झाला खर्ची
झाली दुबळी माझी काया !
नको रे, आजारपण देऊ कोणा
ताळमेळ सारा बिघडून जातो,
गेलेल्या वेळेची करता भरपाई
पुन्हा येथे जीव थकुन जातो !
यल्लप्पा सटवाजी कोकणे
१६ एप्रिल २०१५
No comments:
Post a Comment