मायेचा खांदा

माणूस कितीही खंबीर असला तरी एकदा त्याला दुसऱ्याच्या खांद्यावर डोकं ठेवून मन मोकळं करावसं वाटतं.

यल्लप्पा सटवाजी कोकणे 

१६ फेब्रुवारी २०२४

शाळा

शाळा

जीवाला त्रास होतो तेव्हा

शाळा, फळा आठवू लागले

निवांतपणा शोधण्यास मन

शाळेत जाऊन बसू लागले

स्पर्धेच्या युगात जगताना

कपाळावर चिंता भारी आहे

हातावर घेतलेल्या छड्यांचा

मी खूप खूप आभारी आहे

शाळेचा निरोप घेतल्यानंतर

परिस्थितीने बरंच शिकवलं

जगाचा सामना करण्यासाठी

शिक्षकांनी शाळेतच घडवलं

क्षणोक्षणी पदरात पडलेल्या

ज्ञानाचा मी मोठा धनी आहे

ताठ मानेनं जगणं शिकलो

शिक्षकांचा मी ऋणी आहे

यल्लप्पा सटवाजी कोकणे 

१२ फेबुवारी २०२४

छंद

आपलीच नाती आपल्यावर नेहमी नाराज असतात. म्हणून छंद जोपासण्याचा प्रयत्न करावा. कारण नात्यापेक्षा आपला छंद आपल्याला दुःखातून बाहेर यायला मदत करतो.

यल्लप्पा सटवाजी कोकणे

०७ फ्रेबुवारी २०२४

स्त्री चा अपमान

एखादी व्यक्ती जेव्हा स्त्री चा अपमान करते तेव्हा ती व्यक्ती हे विसरलेली असते की त्याने सुद्धा एका स्त्रीच्या पोटी जन्म घेतलेला आहे.

यल्लप्पा सटवाजी कोकणे

०१ फेब्रुवारी २०२४

निर्मळ स्वभाव

पैसे तर कोणत्याही मार्गाने व हिमतीने सारेच कमवतात पण माणूस कमवायला फक्त निर्मळ स्वभाव लागतो.

यल्लप्पा सटवाजी कोकणे

 ३१ जानेवारी २०२४

दृष्टिकोन

माणसाचा दुसऱ्याकडे बघण्याच्या दृष्टिकोनावरून त्याचा स्वभाव लक्षात येतो. झाडाखाली रस्त्यावर पडलेल्या फुलांना कोणी पायदळीत तुडवतो तर कोणी उचलून घेऊन त्याचा सुगंध घेतो.

यल्लप्पा सटवाजी कोकणे

२४ जानेवारी २०२४

जीभेवर रेंगाळलेला

कानात जर कोणी विष भरले असेल तर नेहमी जीभेवर रेंगाळलेला माणूस दाताखाली येतो.

यल्लप्पा सटवाजी कोकणे

१५ जानेवारी २०२४