पावसात तरूण दिसणारी झाडी
लाकूड होऊन पावसात कुजतात
निसर्ग खुलविणारी झाडं नेहमी
लाकूड होऊन घरात सजतात
सुंदर दिसण्यास आपण नेहमी
शरीरावर बरेच साज चढवतो
निसर्गाने सुंदर केलेल्या झाडांवर
आपण कुर्हाड का चालवतो?
झाडं, फूले, वेली आपल्याकडून
कधीच काहीही मागत नाही
छाटून, पाऊस देणाऱ्या झाडांना
आपली तहानही भागत नाही!
सदा भरभरून देणारा निसर्ग
भेदभाव न करता देत असतो
प्राणवायू देणाऱ्या निसर्गाचा
का आपण जीव घेत असतो?
यल्लप्पा सटवाजी कोकणे
३१ जुलै २०२२
