ये जरा आणखी जवळ माझ्या फुला
ओठ देतील हे गझल माझी तुला
भेट होता तुझी कैफ चढतो मला
रोज वार्यावरी बांधतो मी झुला
आपल्यासारखे ना जगी जोडपे
तू जणू बाहुली ! मी जणू बाहुला !
वेगळा हा दिसे, अन् लकाकत उठे
प्रेमरंगामध्ये रंग हा आपुला
मी तुझा ! मी तुझा ! मी तुझा ! मी तुझा !
रोज जपतो असा मंत्र हा सानुला
कैकदा वाटले छान लिहिशील तू
कृष्ण झालास रे शारदेच्या मुला
— प्रदीप निफाडकर
No comments:
Post a Comment