गझल

वृत्त  - आनंदकंद

गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा

गझल

येथे महत्व मोठे जन्मास फार आहे 

दुःखास मीच आता केलेच ठार आहे

पेरून कर्ज झाले धान्यास भाव नाही 

पर्याय शेवटाचा फाशी तयार आहे

मी हाक मारली पण आले कुणी न तेव्हा
मसनात न्यायला ही गर्दीच फार आहे 

संभाळुनी जगावे वाटे मलाच आता

माझ्याच माणसांच्या शब्दात वार आहे

झालेच बंद आहे दारे पहा मनाची

का आज हे घराला मोठेच दार आहे?

यल्लप्पा सटवाजी कोकणे
२४ मे २०१७