गझल

वृत्त  - आनंदकंद

गा गा ल गा ल गा गा .... गा गा ल गा ल गा गा

२ २ १ २ १ २ २... २ २ १ २ १ २ २ = २४ मात्रा

गझल

माणूस जीव माझा जाळीत फार होता
त्याच्या पुढे चितेचा अंगार गार होता

आलो जगात तेव्हा भारीच त्रास झाला
गर्भात माउलीच्या आराम फार होता

ही वाट पावसाची पाहून फार झाली

म्हणतात तो ढगाला भलताच भार होता

मी टाळलेच होते भेटायला सखीला

चंद्रा तुझा पहारा रात्रीस फार होता

ते शब्द भावनेचे सांगून खूप गेले

तो अर्थ सांगणारा माझाच शेर होता

यल्लप्पा सटवाजी कोकणे 

२५ जून २०१७