बरसून घे पावसा
नभात विजांचे खेळ सारे
झाले आता आमचे पाहून
हाल ते सारे शेतकर्याचे
कठोर ढगास झाले सांगून
सारे झाले व्याकूळ फार
बळीराजा अन् धरणीमाता
किती प्रार्थना करू तुझी रे
बरसून घे ना पावसा आता
पाहू नको रे ढगा आडून
पाहतो पावसा तुझी वाट
धाव घे, सारे डुलव शेत
लावू नकोस आमची वाट
तुझ्या येण्याची झाली रे वेळ
नकोच आता उशीर करू
हात जोडून करतो विनवणी
नुकसान कोठे नको रे करू
यल्लप्पा सटवाजी कोकणे
३१ मे २०१७
No comments:
Post a Comment