गझल

वृत्त  - आनंदकंद

गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा

गझल

माझेच त्रास सारे कोणास ठाव होते?
सोसायचे मला ते माझेच घाव होते

साराच ओळखीचा भासे मला नजारा
स्वप्नात पाहिले मी ते हेच गाव होते

होता मलाच त्याचा अंदाज नेमका तो
सारेच आखलेले खोटेच डाव होते

लांबून पाहिलेला तो चेहरा कुणाचा
डोळ्यात दाटलेले सारेच भाव होते

या जीवनात आहे कोडे बरेच आता
वाटे मला अजूनी सारेच वाव होते!

यल्लप्पा सटवाजी कोकणे
०९ मे २०१७