खेळ खेळते ऊन सावली
पाऊस पडून गेल्यावर
गवतावरचा थेंब चमकतो
किरणांची भेट झाल्यावर
पाऊस पडून गेल्यावर
पाखरांची किलबिल झाली
नव्या नवरी सारखी धरती
हिरवळ लेवून सजली
मन भारावून गेले
पाऊस पडून गेल्यावर
सुखावून मी जातो
गारव्याचा स्पर्श झाल्यावर
हरवून जातो शब्दात
पाऊस पडून गेल्यावर
नकळत सुचतात शब्द
कविता सजते कागदावर
यल्लप्पा सटवाजी कोकणे
१८ जून २०१५
No comments:
Post a Comment