उद्याची काळजी

उद्याची काळजी करत असताना रात्र जागवते आणि जवाबदारी ही सकाळी लवकर उठवते.

यल्लप्पा सटवाजी कोकणे

३१ ऑक्टोबर २०२४

जगण्यातला आनंद

आतुरता कायम राहिली की जगण्यातला आनंद अनुभवता येतो.

यल्लप्पा सटवाजी कोकणे

३१ ऑक्टोबर २०२४

स्वतः ठरवलं पाहिजे

आपण जसं इतरांशी वागतो तसंच समोरची व्यक्ती आपल्याशी वागण्याचा प्रयत्न करीत असते. म्हणून स्वतः ठरवलं पाहिजे कि आपण इतरांशी कसे वागले पाहिजे.

यल्लप्पा सटवाजी कोकणे

३० ऑक्टोबर २०२४

नातं जपून ठेवायचं असतं

नातं जपून ठेवायचं असतं. नाहीतर कोणी आपल्याला सोडून गेल्यावर खूप काही हरवल्यासारखं वाटतं.

यल्लप्पा सटवाजी कोकणे

३० ऑक्टोबर २०२४

परिस्थितीने ओरबाडलेले दुःख

परिस्थितीने ओरबडलेल्या दुःखाकडे पाहत नाराज होऊ नये. कदाचित आपल्याला घासून मौल्यवान करण्याचा परिस्थितीचा प्रयत्न असू शकतो.

यल्लप्पा सटवाजी कोकणे

३० ऑक्टोबर २०२४

जग सोडून गेल्यावर

आठवण आली की स्वतःला त्रास करून घेऊ नये. आपण हे जग सोडून गेल्यावर लोकं आपल्याला विसरणार आहेत.

यल्लप्पा सटवाजी कोकणे

२८ ऑक्टोबर २०२४

शर्तीचे प्रयत्न

काम कोणतेही सहज पूर्ण होत नाही त्यात शर्तीचे प्रयत्न अपेक्षित असते.

यल्लप्पा सटवाजी कोकणे

२२ ऑक्टोबर २०२४

प्रयत्नाची कास

आधाराची अपेक्षा सोडून प्रयत्नाची कास धरल्यास जगण्याची उमेद निर्माण होते.

यल्लप्पा सटवाजी कोकणे

२१ ऑक्टोबर २०२४

सराव

सराव केला की एखाद्या गोष्टीची सवय होते आणि नंतर ती गोष्ट एक जीवनाचा भाग होऊन जाते. म्हणून कोणत्या गोष्टीचा सराव करायचा आणि कशावर दुर्लक्ष करायचं हे आपणच ठरवायचं असतं.

यल्लप्पा सटवाजी कोकणे

१७ ऑक्टोबर २०२४

आत्महत्या

"आत्म" परिक्षण कमी पडले की कधी कधी स्वतःची "हत्या" करण्याची वेळ येते.

यल्लप्पा सटवाजी कोकणे

१४ ऑक्टोबर २०२४

संयम

धीर जरी सुटत असला तरी संयम बाळगणे गरजेचे आहे कारण संयमात विजय खेचून आणण्याची ताकद असते.

यल्लप्पा सटवाजी कोकणे

१३ ऑक्टोबर २०२४

स्वतःचा विचार

स्वतःचा विचार केला की दुसऱ्यांची मनं दुखावली जातात आणि दुसऱ्यांचा विचार केला की स्वतःला आनंद मिळतो. 

यल्लप्पा सटवाजी कोकणे

१२ ऑक्टोबर २०२४

स्मशानातील शांतता

स्मशानातील शांतता

जाणारा माणूस निघून जातो

दहनभूमी येथे दुःख कशाला

वाणीत गोडवा नसे जिवंतपणी

मग शेवटी का कोरड घशाला?

स्मशानातील भयान शांततेला

आपलं दुःख जाऊन विचारावं

दोन अश्रू गाळण्या अगोदर थोडं

आपण कसे वागलो ते आठवावं

जीवाची धडपड कोणासाठी ही

सर्वच संपणार श्वास थांबल्यावर

ध्यास असावा फक्त माणूसकीचा

काय मिळेल माणूस गमावल्यावर?

यल्लप्पा सटवाजी कोकणे

११ ऑक्टोबर २०२४

सतत कामात व्यस्त

लोखंड एका ठिकाणी पडून राहिल्याने त्यावर गंज चढतो. नदी थांबल्यावर ती गढूळ होते. म्हणून प्रगती करायची असेल तर सतत कामात व्यस्त असणे गरजेचे आहे.

यल्लप्पा सटवाजी कोकणे

०८ ऑक्टोबर २०२४

दोन हृदय

जगताना दोन हृदय घेऊन जगावं लागतं. घराच्या बाहेरील जगात टिकण्यासाठी खंबीरपणा व घरातील आपल्या माणसांसाठी मवाळपणा घेऊन रहावं लागतं.

यल्लप्पा सटवाजी कोकणे

०७ ऑक्टोबर २०२४

आपली वेळ

वेळ कोणासाठीही थांबलेली नाही. आपली वेळ आली की आपण सुरू व्हायचं असतं.

यल्लप्पा सटवाजी कोकणे

०६ ऑक्टोबर २० २४