जीवाला त्रास होतो तेव्हा
शाळा, फळा आठवू लागले
निवांतपणा शोधण्यास मन
शाळेत जाऊन बसू लागले
स्पर्धेच्या युगात जगताना
कपाळावर चिंता भारी आहे
हातावर घेतलेल्या छड्यांचा
मी खूप खूप आभारी आहे
शाळेचा निरोप घेतल्यानंतर
परिस्थितीने बरंच शिकवलं
जगाचा सामना करण्यासाठी
शिक्षकांनी शाळेतच घडवलं
क्षणोक्षणी पदरात पडलेल्या
ज्ञानाचा मी मोठा धनी आहे
ताठ मानेनं जगणं शिकलो
शिक्षकांचा मी ऋणी आहे
यल्लप्पा सटवाजी कोकणे
१२ फेबुवारी २०२४
No comments:
Post a Comment