जन्म तर घेतला आपण
उद्देश काय माहीत नाही!
कोणासाठी जगत आहे?
उत्तर काय माहीत नाही!
कोण आहेत ही सारी नाती
ज्यासाठी जीव जळत आहे
का बरं यांच्यासाठीच फक्त?
आयुष्य आपलं पळत आहे
स्वतःसाठी जगता येत नाही
आपल्यात नाती दडली आहे
मुळापासून काढता येत नाही
इतकी खोलवर जडली आहे
कोणत्याही स्वभावाची असो
त्यांच्यासाठी जीव तुटत आहे
दगड मनाच्या माणसांसाठी ही
का? मायेचा पाझर फुटत आहे
यल्लप्पा सटवाजी कोकणे
०५ जुलै २०२३
No comments:
Post a Comment