पाणी वाहत चालले
डुलवित शेतरान सारे
शेतकरी सारे खुशीत
वाहती आनंदाचे वारे
पाणी वाहत चालले
चिंता गावाची वाढली
खचले डोंगर वस्तीवर
किती प्रेतं ही गाढली?
पाणी वाहत चालले
गमवला जीव पुरात
गेला! माणूस वाहून
राही आठवण उरात
पाणी वाहत चालले
दिला पावसाने धोका
ठप्प होई जनजीवन
चुके काळजाचा ठोका
पाणी वाहत चालले
पाऊस हा माजलेला
असेलही तो कसाही
आहे नेहमी गाजलेला
यल्लप्पा सटवाजी कोकणे
२४ जुलै २०२३
No comments:
Post a Comment