गझल

वृत्त  - आनंदकंद

गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा

नेता खुशाल गेला फसवून देश माझा
आता कशास झाला हैराण देश माझा?

झाले महाग सारे जगणेच भारताचे
घेतो कसे तरीही सोसून देश माझा?

सृष्टीत देश सारा आहे नटून ऊभा
सार्‍या जगात आहे शोभून देश माझा

स्वातंत्र्य मागण्याला सामील लाख झाले
रक्तात न्हात होता हासून देश माझा

तेथे जवान होता झेलीत ऊन वारा
सीमा अजून आहे राखून देश माझा

यल्लप्पा सटवाजी कोकणे
१२ ऑगस्ट २०१७