गझल

वृत्त  - आनंदकंद

गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा

शेतात राबणारे जीवा उदार होते
ते मेघ वाहणारे ईमानदार होते

सर्वस्व अर्पिले मी सारे तिलाच माझे
का आजही सखीच्या ओठी नकार होते?

मी चोरपावलांनी भेटावयास आलो
तैनात चांदणेही रात्रीस फार होते

चिंता कधीच नाही केली कशाची मी
देण्यास हात हाती ते जाणकार होते

देहात प्राण होता कोणी नसे समोरी
निष्प्राण देह जेव्हा खांदे तयार होते