जागे व्हा मित्रांनो

जागे व्हा मित्रांनो

बापानं लावलेल्या रोपट्याचं
आज मुलगा फळ खातोय
काहीही मेहनत न करता
येथे मुलगा श्रीमंत होतोय

वेळ जराही नाही लागत
अंगात आळस शिरायला
तरूणांना त्रास लय भारी
जीव जातो कष्ट करायला!

लागली सवय बहूतेकांना
आयतं बसून खाण्याची
आई-बापाचा विचार नाही
परवड झाली जगण्याची

जागे व्हा आता मित्रांनो
लढवा आता शक्कल नवी
पांगळा झालेल्या कुटूंबाला
कुबडी तुमचीच आता हवी

यल्लप्पा सटवाजी कोकणे
१९ मे २०१७