का आलीस पुन्हा?

का आलीस पुन्हा?

झोप कुठे हरवली?
मलाच माझे कळेना।।
भरकटले चित्त आहे
जीवनाचे सुर जुळेना।।१।।

शांत मनात माझ्या
आले उसळून वादळ।।
विसरलो केव्हाच होतो
गजर्‍याचा तुझ्या दरवळ।।२।।

नकोस भेटू पून्हा
नको नवीन डाव।।
नाही ताकद आता
सोसण्यास नवीन घाव।।३।।

आता देत आहे
नवीन वळण जगण्याला।।
नाही अर्थ काहीच
तुजसाठी रोज झुरण्याला।।४।।

का आलीस पुन्हा?
स्वप्नात रंग भरण्यास।।
केव्हाच रमलो होतो
जीवन नवीन जगण्यास।।५।।

यल्लप्पा सटवाजी कोकणे
२७ फेब्रुवारी २०१६