प्रेम म्हणजे नक्की काय?
आजही तुझी आठवण येते
काळ जरी लोटला भरपूर।।
आहेस सातासमुद्रा पलीकडे तु
नेहमी लागे जीवा हुरहुर।।१।।
तुझ्या माझ्या नात्याचं गणित
आजही सुटत नाही मला।।
एकांत असतो जेव्हा सोबत
आठवणीत रमतो घेऊन तुला।।२।।
होईल का भेट आपली?
देशील का प्रेमाचा पूरावा?
जमलं तर कमी कर
दोघांमधील वाढलेला दूरावा।।३।।
माहित आहे चांगलच मला
तुलाही येते माझी आठवण।।
गुंतलेले मन तुझ्यात माझे
करीत असते आठवांची साठवण।।४।।
मनी येती आठवणी दाटून
मिळता जरासा एकांत मनाला।।
प्रेम म्हणजे नक्की काय?
हाच प्रश्न विचारतो स्वतःला।।५।।
यल्लप्पा सटवाजी कोकणे
१० फेब्रुवारी २०१६
No comments:
Post a Comment