भेट झाली प्रियेची

आज खूप दिवसांनी।
भेट झाली प्रियेची।।
नजर झुकती होती।
साथ प्रेमळ मायेची ।।धृ।।

जवळ ती असताना।
राहतो थांबून श्वास।।
सुचत नाही काहीच।
तिचाच आहे ध्यास।।

हरवतो डोळ्यात तिच्या
पिऊन धुंदी गाण्याची

आज खूप दिवसांनी।
भेट झाली प्रियेची।।
नजर झुकती होती ।
साथ प्रेमळ मायेची।।१।।

राहिली सांज एकटी।
सुर्य उतरला खाली।।
पहाटेची वाट पाहत।
हसली रात्र गाली।।

चांदण्या टिपूर झाल्या।
शोभा वाढवी रात्रीची ।।

आज खूप दिवसांनी।
भेट झाली प्रियेची।।
नजर झुकती होती।
साथ प्रेमळ मायेची।।२।।

झुरतो मी तिच्याचसाठी।
समजेना काही मला।।
जीवन सूने सारे।
भासे तिच्यामुळे मला।।

बंदिवान झालो मी।
किमया तिच्या नजरेची।।

आज खूप दिवसांनी।
भेट झाली प्रियेची।।
नजर झुकती होती।
साथ प्रेमळ मायेची।।३।।

आज खूप दिवसांनी।
भेट झाली प्रियेची।।
नजर झुकती होती।
साथ प्रेमळ मायेची।।धृ।।

यल्लप्पा सटवाजी कोकणे
25 ऑक्टोबर 2015