समाधान

एखाद्या गोष्टीचा त्रास होत असेल तर ती गोष्ट तिथेच सोडून द्यावी. कालांतराने त्याचे समाधान प्राप्त होतं. कारण त्रास देणाऱ्या गोष्टीचे पर्याय सापडलेले असतात.

यल्लप्पा सटवाजी कोकणे

२७ डिसेंबर २०२३

माणूसपण

माणूस म्हणून सर्वच जन्माला येतात पण माणसातले माणूसपण जिवंत ठेवून जो जगण्याचा प्रयत्न करतो तो कधी दुःखी होत नाही.

चेहऱ्यामागचे चेहरे

रोजच्या प्रवासात हजारो चेहरे दिसतात. त्यांची भीती कधीच जाणवत नाही. पण रोजच्या संपर्कात असलेल्या चेहऱ्यामागचे चेहरे ओळखताना खूप त्रास होतो.

यल्लप्पा सटवाजी कोकणे

२१ डिसेंबर २०२३

श्वासातील अंतर

श्वासातील अंतर

श्वासातील अंतर कमी होते

नकळत तू समोर आल्यावर

भान हरवून जातो मी नेहमी

दोघांची नजरभेट झाल्यावर 

मन वेडापिसा होऊन जातो

तुला चोरून नेहमी पाहताना

मनातलं सारं मनातच राहतं

तुला सांगायचं धाडस करताना

तुझं एक हास्य पुरेसं आहे

मनी आशा घेऊन जगताना

आनंदही तसा फार होतोच

जुन्या आठवणीत झुरताना

यल्लप्पा सटवाजी कोकणे

२० डिसेंबर २०२३

स्तुती आणि निंदा

"स्तुती" ही नेहमी आपलीच माणसं करतात आणि "निंदा" ही आपले पणाचं ढोंग करणारी माणसं करतात.

शरीराची राख

आपल्या शरीराची राख होणार आहे हे माहीत असूनही मनामध्ये राग, रुसवा ठेवून जगणे म्हणजे स्वतःला जिवंतपणी जाळण्यासारखे आहे.

यल्लप्पा सटवाजी कोकणे

१४ डिसेंबर २०२३

त्रास देणारे विचार

आवडत्या कामात मन गुंतवलं की त्रास देणाऱ्या विचारातून मोकळं होता येतं.

यल्लप्पा सटवाजी कोकणे

१२ डिसेंबर २०२३

मनावर राज्य

एखाद्या व्यक्तीवर रागावून आपली स्वतःची किंमत कमी करून घेण्यापेक्षा त्याला विश्वासात घेऊन त्याची समजूत काढल्यास त्याच्या मनावर राज्य करता येतं.

यल्लप्पा सटवाजी कोकणे

१० डिसेंबर २०२३

विचारांशी झुंज

माणूस बाहेरून जितका शांत दिसतो तितकाच तो मनाने फार बेचैन असतो कारण शांत राहण्यासाठी तो मनात सुरु असलेल्या विचारांशी झुंज देत असतो.

यल्लप्पा सटवाजी कोकणे

०८ डिसेंबर २०२३

अर्धवट सत्य आणि संशय

अर्धवट सत्य आणि बळावलेल्या संशयामुळे नात्यात दुरावा निर्माण होण्याची दाट शक्यता असते.

यल्लप्पा सटवाजी कोकणे

०४ डिसेंबर २०२३