विचार बदलण्याची तयारी

विचार बदलण्याची तयारी ठेवली की आयुष्य बदलण्याची सुरुवात होते. अन्यथा जुन्याच विचारांच्या चौकटीत अडकून त्याच त्याच जीवनशैलीत संपूर्ण आयुष्य खितपत पडावं लागतं.

यल्लप्पा सटवाजी कोकणे....✍🏼

०७ नोव्हेंबर २०२६

देवाच्या नावाखाली माणसाला घाबरवणं थांबवा!

देवाच्या नावाखाली माणसाला घाबरवणं थांबवा!

रूढी, परंपरा, व्रत-वैकल्यं या गोष्टींचा विचार करताना एक गोष्ट लक्षात ठेवा… प्रत्येक परंपरा ही माणसाने निर्माण केली आहे. सर्व गोष्टी माणसांनी स्वतःच्या सोयीसाठी, स्वार्थासाठी आणि समाजावर प्रभाव निर्माण करण्यासाठी तयार केलेल्या असू शकतात.

माणसाने निर्माण केलेल्या गोष्टींना जेव्हा देवाच्या नावाचं लेबल लावलं जातं, तेव्हा श्रद्धेचं रूपांतर भीतीमध्ये होऊ लागतं.

देवाच्या नावाने लोकांना घाबरवणारे काही लोक स्वतःचा स्वार्थ साधतात, मात्र त्याचा त्रास सामान्य माणसाला सहन करावा लागतो.

म्हणून प्रत्येक रूढी-परंपरेचा डोळसपणे विचार करून प्रश्न विचारा. सत्य समजून घ्या आणि विवेकाला महत्त्व द्या.

कारण…

माणसानेच निर्माण केलेल्या गोष्टींमध्ये माणूसच देवाची भीती दाखवून माणसाला घाबरवत असेल, तर त्या भीतीतून बाहेर पडण्याचा मार्गही माणसाच्या विचारांतच आहे!

यल्लप्पा सटवाजी कोकणे....✍🏼

१७ ऑक्टोबर २०२६

देवाच्या नावाने

देवाच्या नावाने निर्माण झालेली भीती नव्हे, तर स्वतःच्या विचारांवर असलेला विश्वास माणसाला खऱ्या अर्थाने मुक्त करतो.

यल्लप्पा सटवाजी कोकणे....✍🏼

१६ ऑक्टोबर २०२६

जसे आपले विचार

जसे आपले विचार असतात, तसेच आपण घडत जातो.

यल्लप्पा सटवाजी कोकणे....✍🏼

११ सप्टेंबर २०२६

इच्छा नसतानाही

कधी कधी परिस्थितीपुढे इच्छा नसतानाही मनावर दगड ठेवावा लागतो…

आणि त्या कठोर निर्णयाची किंमत अनेकदा आपल्या जवळच्या नात्यांना मोजावी लागते.

काही निर्णय फक्त मनाला खूप जड असतात…!

यल्लप्पा सटवाजी कोकणे....✍🏼

२८ ऑगस्ट २०२६

स्मशानात आपल्या शरीरासोबत

दुसऱ्याला त्रास होऊ नये म्हणून मनात दडवलेल्या वेदना आणि न बोललेल्या गोष्टी शेवटी स्मशानात आपल्या शरीरासोबत राखेतच मिसळून जातात.

यल्लप्पा सटवाजी कोकणे....✍🏼

०६ ऑगस्ट २०२६

घराला घरपण येण्यासाठी

चार भिंती आणि एक छप्पर असलं म्हणजे घर होत नाही. घराला घरपण येण्यासाठी त्यात जिव्हाळ्याची माणसं असावी लागतात.

यल्लप्पा सटवाजी कोकणे....✍🏼

२० जुलै २०२६

नशीब नावाची गोष्ट

नशीब नावाची गोष्ट नसते. आपल्या प्रयत्नांनाच लोक नशीब म्हणतात. एखादं ध्येय गाठायचं ठरवलं की, ते मिळेपर्यंत केलेला प्रत्येक प्रयत्नच यशाचा पाया रचत असतो.

यल्लप्पा सटवाजी कोकणे....✍🏼

१० जुलै २०२६

करून तरी बघ!

"करून तरी बघ!"

मनातून आलेला हा एक छोटासा आवाज अनेक मोठ्या यशांची सुरुवात ठरतो. माणसांनी पहिलं पाऊल उचलण्याचं धाडस करावं. रस्ता आपोआप मोकळा होत जातो आणि यश तुमच्या दिशेने चालत येतं.

यल्लप्पा सटवाजी कोकणे....✍🏼

०२ जुलै २०२६

तो मित्र नसतो

आपली गरज संपताच जो मित्र शत्रूशी हातमिळवणी करतो, तो मित्र नसतो, तो भविष्यातील सर्वात मोठा धोका असतो.

यल्लप्पा सटवाजी कोकणे....✍🏼

२८ जून २०२६

यश अपयशाचा पाया

आपल्या विचारांवर आणि कृतींवरच आपल्या यश-अपयशाचा पाया उभा असतो. त्यामुळे इतरांना दोष देण्यापेक्षा स्वतःकडे पाहून सुधारणा करण्याचा प्रयत्न केला पाहिजे.

यल्लप्पा सटवाजी कोकणे....✍🏼

१३ जून २०२६

आयुष्यात काही बिघडतं

जेव्हा आपल्या आयुष्यात काही बिघडतं, तेव्हा आपण रागावतो आणि त्यासाठी दुसऱ्यांना दोष देतो. पण मुळात कोणत्याही कामाची सुरुवात आपण आपल्या विचारांनुसार आणि निर्णयांनुसारच करत असतो.

यल्लप्पा सटवाजी कोकणे....✍🏼

०९ जून २०२६

यश सर्वांनाच मिळते

यश सर्वांनाच मिळते, फक्त सकारात्मक दृष्टिकोन आणि कामामध्ये सातत्य असणे आवश्यक असते.

यल्लप्पा सटवाजी कोकणे....✍🏼

०७ जून २०२६

यश मिळविण्यासाठी

अपयश हाच आपला खरा गुरु असतो, कारण पुन्हा यश मिळवण्यासाठी लागणारे धडे तोच आपल्याला शिकवून जातो.

यल्लप्पा सटवाजी कोकणे....✍🏼

०१ जून २०२६

आयुष्यातील अनेक गोष्टी

आपल्यामुळे काहीही बिघडणार नाही, याची काळजी घेतली तर आयुष्यातील अनेक गोष्टी आपोआप सुरळीत होतात.

यल्लप्पा सटवाजी कोकणे....✍🏼

२४ मे २०२६

एकाग्रता

एकाग्रता हीच यशाची खरी गुरुकिल्ली असते.

यल्लप्पा सटवाजी कोकणे....✍🏼

२२ मे २०२६

अदृश्य शक्ती

मनात येणाऱ्या विचारांमागे आणि आपल्या हातून घडणाऱ्या प्रत्येक कार्यामागे एक अदृश्य शक्ती कार्यरत असते. आपण मात्र केवळ निमित्त असतो.

यल्लप्पा सटवाजी कोकणे....✍🏼

०८ मे २०२६

स्वप्नं थांबतात

सुरक्षित राहणं खूप सोपं असतं, पण तिथेच स्वप्नं हळूहळू थांबतात. धाडस केलं तरच पुढे जाता येतं आणि त्यातच यशाचं खरं रहस्य दडलं असतं.

यल्लप्पा सटवाजी कोकणे....✍🏼

०२ मे २०२६

मोह

मोह आवरता आला नाही, तर आपण भावनेच्या भरात वाहून जातो.

यल्लप्पा सटवाजी कोकणे....✍🏼

०२ मे २०२६

जवळची माणसं

एक-दोन भेटींमध्येच काही माणसं जवळची वाटतात, पण काही वेळा आयुष्यभर जवळ असणारी माणसं ओळखताही येत नाहीत.

यल्लप्पा सटवाजी कोकणे....✍🏼

२३ एप्रिल २०२६