दुःख मांडून झाल्यावर

दुःख मांडून झाल्यावर

मन माझे हेलावून गेले

शायरी समजून मित्रही

*वाह वाह* बोलून गेले

यल्लप्पा सटवाजी कोकणे

२८ मार्च २०२५

बाप

पाय कितीही झिजले तरी

बापाला फरक पडत नाही

मुलासाठी चाललेली धाव

अडथळ्यातही अडत नाही

यल्लप्पा सटवाजी कोकणे 

१९ फेब्रुवारी २०२२

प्रेमाची कबुली

तिने प्रेमाची कबुली देताना 

पाऊस हळूच सावरला होता

चिंब भिजलेली असताना ती

मी श्वास रोखून धरला होता

यल्लप्पा सटवाजी कोकणे 

०१ डिसेंबर २०२१

वेळ

वेळ निसटून जाते हातातून 

थांबवून ठेवणे जमत नाही

वेगवान धावणाऱ्या क्षणाला

सजवून ठेवणे जमत नाही

यल्लप्पा सटवाजी कोकणे

०७ नोव्हेंबर २०२१

वृत्तपत्र

कितीही विचार केला तरी

व्हायचं तेच होणार आहे 

आज ज्ञान दिलेले वृत्तपत्र

उद्या रद्दीतच जाणार आहे

यल्लप्पा सटवाजी कोकणे

२८ मे २०२१

जगून थोडं पाहायचं आहे

मनाचे शब्द शांत ऐकून 

जगून थोडं पाहायचं आहे

"नाही" हा शब्द विसरून 

जगणं सारं जगायचं आहे

यल्लप्पा सटवाजी कोकणे

१० एप्रिल २०२१

वेळ

आभारी आहे निसर्गाचा

जिवंत ठेवतो तो श्वासाला

ध्येय सारे गाठण्यासाठी 

बळ नेहमी मिळे ध्यासाला

यल्लप्पा सटवाजी कोकणे 

२० सप्टेंबर २०२०

ध्येय

आभारी आहे निसर्गाचा

जिवंत ठेवतो तो श्वासाला

ध्येय सारे गाठण्यासाठी 

बळ नेहमी मिळे ध्यासाला

यल्लप्पा सटवाजी कोकणे 

२० सप्टेंबर २०२०

राजकारण

नातं, कुटूंब किंवा असो मित्र

नाही भरवसा राजकारणात

दबाव कधी तर कधी दगा

काहीही होतं येथे क्षणात

यल्लप्पा सटवाजी कोकणे 

२३ नोव्हेंबर २०१९

विचारांची गर्दी

घुसमट नको विचारांची
मनातलं सारं बोलून घे
घातक आहे विचार गर्दी
वाद आता मिटवून घे

यल्लप्पा सटवाजी कोकणे
२९ सप्टेंबर २०१९

मनात साचलेलं

मनात साचलेलं सारं काही
थांबवलं आहे सध्या लिहणं
शिकतो आहे आजकाल मी
तिच्या विचारांशिवाय जगणं

यल्लप्पा सटवाजी कोकणे
२९ सप्टेंबर २०१९

गणपती आगमन

यंदाही आगमन झाले बाप्पाचे।
यावे पाहण्यास रूप देखणे।।
वाट पाहतो आहे आम्ही तुमची।
स्वागतास उभे परिवार कोकणे।।

यल्लप्पा सटवाजी कोकणे
०२ सप्टेंबर २०१९

गरीबाची अपेक्षा

गर्भ श्रीमंत असणाऱ्याला
पैशाची भुक मोठी असते
पोट भरणाऱ्या गरीबाची
अपेक्षा फार छोटी असते

यल्लप्पा सटवाजी कोकणे
२८ जून २०१९

शब्द भाव

मी काहीही बोलत नाही
लेखणी जिंकून जाते डाव
उमटतं मनातलं कागदावर
साथीला घेऊन शब्द भाव

यल्लप्पा सटवाजी कोकणे 
१५ जून २०१९

नाजूक शब्द

ओढून ताणून होत नाही
कविता सहज सुचली जाते
नाजूक शब्द फुलून सजतात
म्हणून मनात रूजली जाते

यल्लप्पा सटवाजी कोकणे 
१५ जून २०१९

तरूण थेंब

रेंगाळत होते मन माझे
देह निवांत पडून होता
बाहेर पडणाऱ्या पावसाचा
प्रत्येक थेंब तरूण होता

यल्लप्पा सटवाजी कोकणे 
१५ जून २०१९

जगणं

जगाला धरून चालल्यावर
जगात असल्यासारखं वाटतं
एकांत असला मनात तर
जगणं नसल्यासारखं वाटतं

यल्लप्पा सटवाजी कोकणे
२४ मे २०१९

समाज नाती

दूरून आलेल्या प्रियेला
नाही भेटलो मी एकांती
जवळची आपलीच सारी
आडवी होती समाज नाती

यल्लप्पा सटवाजी कोकणे
२४ मे २०१९

स्वार्थ

आपल्या डोळ्यांतील अश्रू
आपणच पुसायचे असतात
मदतीचे हात देणारे नेहमी
स्वार्थ का शोधत असतात?

यल्लप्पा सटवाजी कोकणे
१६ फेब्रुवारी २०१९

श्रावण महिना

श्रावण महिना होत आहे सुरू
कोंबडी, मटनावर ताव मारू
महीनाभर आता मिळणार नाही
घ्या मनसोक्त रम, व्हिस्की, दारू

यल्लप्पा सटवाजी कोकणे
११ ऑगस्ट २०१८