लावणी
रूपाच्या तोर्यात ज्वानीच्या भरात
बंधने सारी मी तोडून आले।।
बघा राया तुम्हासाठी कसा खास
साज शृंगार करून आले।।धृ।।
बसा जवळ पहा राजसा साज
ओठांनी ओठांचं कळूद्या गूज
तूम्हासाठी विसरून जगाला गेले
बघा राया तुम्हासाठी कसा खास
साज शृंगार करून आले।।१।।
केला तुम्हावर जीव मी बहाल
पाहून तूम्हाला होई जीवाचे हाल
रंगुन पिरतीच्या रंगामंदी मी गेले
बघा राया तुम्हासाठी कसा खास
साज शृंगार करून आलेे।।२।।
यल्लप्पा सटवाजी कोकणे
१२ एप्रिल २०१६
