सत्याची बाजू

चुकीचं काम करून आयुष्यभर चिंतेत ग्रस्त राहाण्यापेक्षा सत्याच्या बाजूने राहून क्षणभर का होईना आनंद मिळविण्याचा प्रयत्न असावा.

यल्लप्पा सटवाजी कोकणे 

०१ मार्च २०२५

बदलती परिस्थिती

बदलत्या परिस्थितीला हाताळण्यासाठी स्वतःला बदलावं लागतं.

यल्लप्पा सटवाजी कोकणे 

२७ फेब्रुवारी २०२५

विचारांचा पसारा

घरात पसारा वाढला की तो आपल्याला आवडत नाही. आपण लगेच वस्तू जागच्या जागी ठेवतो. मग मनात विचारांचा पसारा कशाला हवा. सर्वच गोष्टींचा एका वेळी विचार करू नये. विचारांचा पसारा वाढला की सुटसुटीत असलेलं जगणं सुद्धा बंधिस्त वाटतं.

यल्लप्पा सटवाजी कोकणे 

२५ फेब्रुवारी २०२५

वेळ

आपण मनगटावर घड्याळ जरी बांधले असेल तरी वेळेला बांधून ठेवू शकत नाही. वेळेनुसारच आपल्याला वागावं लागतं.

यल्लप्पा सटवाजी कोकणे 

२२ फेब्रुवारी २०२५

चौकट

साऱ्याच गोष्टी चौकटीत राहून साध्य होत नाही त्यासाठी चौकट ओलांडून जगाच्या संपर्कात यावं लागतं.

यल्लप्पा सटवाजी कोकणे 

१८ फेब्रुवारी २०२५

आपल्यावर रुसण्याचा अधिकार

आपल्यावर कोणी रुसले असतील तर त्याचा राग मानू नये कारण आपल्यावर रुसण्याचा अधिकार फक्त आपल्याच माणसांचा असतो. परकियांची आपल्यावर रुसण्याची हिंमतच होणार नाही.

यल्लप्पा सटवाजी कोकणे 

१५ फेब्रुवारी २०२५

जवाबदार

कोणालाही दोष द्यायचा नसतो कारण आपण सध्या ज्या परिस्थितीत आहोत त्याला आपण स्वतः आणि आपले विचार जवाबदार असतात.

यल्लप्पा सटवाजी कोकणे 

१३ फेब्रुवारी २०२५