विश्र्वास नांदतो

जिथे विश्वास नांदत असतो तेथे संशयाला जागा नसते.

यल्लप्पा सटवाजी कोकणे 

२२ सप्टेंबर २०२३

ज्ञानाची भर

इतरांकडून मिळवलेल्या ज्ञानात आपल्याजवळ असलेल्या ज्ञानाची भर घालून ते सादर केल्यास आपल्याला लोकांच्या मनावर राज्य करण्याची संधी मिळते.

यल्लप्पा सटवाजी कोकणे 

१२ सप्टेंबर २०२३

बापाचा स्पर्श

मुलाला जर कशाची भीती वाटत असेल तर बापाने मुद्दाम मुलाचा हात धरून मुलगा ज्या गोष्टीला घाबरतो त्याला तेथे घेऊन जावं.

कारण मुलाच्या मनात जन्मलेल्या भितीला मारण्याचं काम फक्त बापाचा स्पर्शच करू शकतो.

यल्लप्पा सटवाजी कोकणे

०४ ऑगस्ट २०२३

बाप

बापाची जरी चाहूल लागली तरी मुलं मनातली भीती, संकटे विसरून जातात व आनंदाचं वातावरण निर्माण होऊन उत्सव साजरा केल्यासारखं वाटतं. कारण "बाप" या नावातच एक अद्भुत शक्ती आणि सकारात्मक उर्जा आहे.

यल्लप्पा सटवाजी कोकणे 

३१ जुलै २०२३

वायफळ खर्च

नोकरी करून किंवा एखादा व्यवसाय करून ईमानदारीने कमावलेले पैसे खर्च करताना हजार वेळा विचार केला जातो. हौसमौजसाठी पैसा खर्च करण्याचं धाडस अजिबात होत नाही. याउलट, चुकीच्या मार्गाने कमावलेला पैसा हा व्यसन, वायफळ खर्च यावर होत असतो.

यल्लप्पा सटवाजी कोकणे 

२४ जुलै २०२३

पाणी वाहत चालले

पाणी वाहत चालले

पाणी वाहत चालले

डुलवित शेतरान सारे

शेतकरी सारे खुशीत 

वाहती आनंदाचे वारे

पाणी वाहत चालले

चिंता गावाची वाढली

खचले डोंगर वस्तीवर

किती प्रेतं ही गाढली?

पाणी वाहत चालले 

गमवला जीव पुरात

गेला! माणूस वाहून 

राही आठवण उरात 

पाणी वाहत चालले

दिला पावसाने धोका

ठप्प होई जनजीवन 

चुके काळजाचा ठोका

पाणी वाहत चालले 

पाऊस हा माजलेला

असेलही तो कसाही

आहे नेहमी गाजलेला

यल्लप्पा सटवाजी कोकणे 

२४ जुलै २०२३

सुखाला मिठी

दुःखाची चाहूल लागल्यावर भोगत असलेल्या सुखाचा विसर पडायला लागतो. काळजी वाढायला लागते आणि समोर आलेल्या सुखाला मिठी मारायचं राहून जातं.

यल्लप्पा सटवाजी कोकणे 

१२ जुलै २०२३