दगड मन
आपल्या माणसांची मनं
लवकर का कळत नाही?
त्यांच्या वागण्याचा अंदाज
आजही का लागत नाही?
आजकाल आपली मनं ही
कोणाशीही का जूळत नाही?
त्रासलेलं दुःखी मन आपलं
कोणालच कसं कळत नाही?
जाऊ लागले तडे नात्याला
संशयात ती टिकत नाही
दगड मनाच्या माणसांत
पालवी का फुटत नाही?
आयुष्य संपले दुसर्‍यासाठी
कोणीही कसं जाणत नाही?
स्वतःकडे ही लक्ष देण्यास
वेळ का कधी मिळत नाही?
यल्लप्पा सटवाजी कोकणे
०४ जुलै २०१७
घाईत जन्म गेला सारा
नव्हता निवांत जगण्यास
झाला उशीर म्हणून भावकी
करी घाई ताटी बांधण्यास
यल्लप्पा सटवाजी कोकणे
०७ जुलै २०१७
वृत्त - आनंदकंद
गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा
नेता खुशाल गेला फसवून देश माझा
आता कशास झाला हैराण देश माझा?
झाले महाग सारे जगणेच भारताचे
घेतो कसे तरीही सोसून देश माझा?
सृष्टीत देश सारा आहे नटून ऊभा
सार्‍या जगात आहे शोभून देश माझा
स्वातंत्र्य मागण्याला सामील लाख झाले
रक्तात न्हात होता हासून देश माझा
तेथे जवान होता झेलीत ऊन वारा
सीमा अजून आहे राखून देश माझा
यल्लप्पा सटवाजी कोकणे
१२ ऑगस्ट २०१७
काळोख सत्य सारे सांगून पहाट गेली
त्या चांदण्यात आता न्हाऊन पहाट गेली
आहे अबोल का तू भीती मनास वाटे
शृंगार आज सारा सांगून पहाट गेली
नाही समोर आता ती दूर फार गेली
अस्तित्व आज सारे भासून पहाट गेली
सांडून रक्त त्यांचे तो देश लाल झाला
स्वातंत्र्य एकदाचे देऊन पहाट गेली
नाही तशी गरज फारशी
तेथेच फार बरसत आहे
पावसा, हो आता ऊदार तू
माझा शेतकरी तरसत आहे
यल्लप्पा सटवाजी कोकणे
२७ जून २०१७
रे मेघा, करतो विनवणी
सोड आता पावसाला
धरणी माय पहाते वाट
त्याला थांबवलंस कशाला?
यल्लप्पा सटवाजी कोकणे
२० जून २०१७
