प्रामाणिकपणा व स्पष्टता

आपल्या वागण्यात प्रामाणिकपणा व स्पष्टता असेल तर लोकांचा विश्वास संपादन करण्यास मदत होते.

यल्लप्पा सटवाजी कोकणे

०४ ऑगस्ट २०२४

मृत्यू शोधत येत आहे

आपल्याला मृत्यू शोधत येत आहे. आपण त्याला सापडेपर्यंत अडचणीच्या काळातही सुखाचा शोध घेत जगता आलं पाहिजे.

यल्लप्पा सटवाजी कोकणे

०१ ऑगस्ट २०२४

संयम

परिस्थिती सर्वांचा मार्ग बदलत असते पण जो आलेल्या परिस्थितीचा सामना करून संयमाने स्वतःचा मार्ग निवडतो तोच यशस्वी होतो.

यल्लप्पा सटवाजी कोकणे

२८ जुलै २०२४

श्वास

श्वास

आयुष्य किती शिल्लक आहे

हे श्वास, सांग तू मला जराशी

तुझाच भरवसा आहे म्हणूनी

स्वप्ने बाळगून आहे मी उराशी

जगलो नाही मी स्वतःसाठी

दुसऱ्यांचा आनंद जपताना

लोकांना नेहमी पाहतो आहे

फक्त स्वार्थ साधून जगताना

जीवन मृत्यूचे अंतर वाढू दे

बरेचसे लक्ष गाठायचे आहे

श्वास, तू रोखू नकोस मजला

मुलांचे संसार थाटायचे आहे

शेवट मी सत्य जाणतो एकच

श्वास, तुझा कुठलाही धर्म नाही

हे सारं कमावलेलं क्षणार्धात

सोडून जावं लागेल सर्व काही

यल्लप्पा सटवाजी कोकणे

२४ जुलै २०२४

मनाचा आवाज

इतरांचे बोलणे ऐकून आपले स्वतःचे नुकसान करून घेण्यापेक्षा मनाचा आवाज ऐकावा. असे केल्यास पश्चात्ताप करण्याची वेळ येत नाही व वैयक्तिक, कौटुंबिक होणारे नुकसान टळून जाते.

यल्लप्पा सटवाजी कोकणे

२२ जुलै २०२४

संशय

आपली चुक नसताना कोणाचे बोलणे ऐकून घेत प्रतिउत्तर दिले नाही तर आपल्याकडे संशयाने पाहणाऱ्यांच्या संखेत वाढ होते.

यल्लप्पा सटवाजी कोकणे

१६ जुलै २०२४

अपेक्षा भंग

आपण स्वतः लोकांशी कसे वागतो हे पहिलं तपासून पहावे व नंतर लोकांकडून अपेक्षा कराव्यात. असे केल्याने अपेक्षा भंग कमी होतो.

यल्लप्पा सटवाजी कोकणे

१३ जुलै २०२४