जगापेक्षा काहीतरी नवीन

जगापेक्षा काहीतरी नवीन करण्याची जिद्द बाळगून त्यावर कृती केल्यावरच आपण जगाच्या नजरेत राहू शकतो.

यल्लप्पा सटवाजी कोकणे

२६ मार्च २०२३

सर्वच गोष्टी सोप्या असतात

मानलं तर सर्वच गोष्टी सोप्या असतात फक्त आपल्याला न समजल्यामुळे आणि त्याचा मुळापासून विचार न केल्यामुळे ते अवघड होतात.

यल्लप्पा सटवाजी कोकणे

२६ मार्च २०२३

यश आणि आनंद

एखादं नियमित ठरलेलं काम करताना त्या कामाव्यतिरिक्त मनात काही क्षणाकरता एक वेगळ्या कामाचा विचार येऊन जातो. त्या विचारांना नजरेआड करू नका. तो विचार पूर्णत्वास नेण्याचा प्रयत्न करा. अंतरमनाला पटलेले विचार आपल्याला यश आणि आनंद देऊन जातात.

यल्लप्पा सटवाजी कोकणे

१८ मार्च २०२३

हंबरडा

हंबरडा

मी सोडून गेल्यास जगाला

दोन अश्रू उगाच वाहतील

हंबरडाही फुटेल एकदाच 

पून्हा सारे मार्गी लागतील

चांगला होता, वाईट होता

येईल उधाण चर्चेस भारी

देहात असतो प्राण जेव्हा

येतही नाही कोणीच दारी

त्यागून जावे लागते सारे

मग कशास मोह करावा?

जगताना गिळून रागलोभ

प्रत्येकाचा सन्मान करावा

काळ फिरूनी येतही नाही

वेळेला घ्यावे कवेत मिटून 

त्रागा नकोच कधी कुणाचा

आयुष्य जगावे आनंद लुटून

यल्लप्पा सटवाजी कोकणे

२१ जानेवारी २०२३

रोखून पाहणं

रोखून पाहणं

आजचं तुझ रोखून पाहणं

काळजात पार घुसलं होतं

तू मुक्त जरी वावरत होती

मन हे तुझ्यात गुंतलं होतं

नकळत स्पर्श होता तुझा

मी जरासा शहारलो होतो 

भान सुटत असताना तरी

मी स्वतःच सावरलो होतो

या जगाला विसरून सखे मी

फक्त तुझ्याकडे पाहतो आहे

वेडा होऊन विचारात तुझ्या

प्रत्येक रात्र मी जागतो आहे

थांबव झुरणं माझ्या मनातलं

भेटीस ये, विसरून जग सारे

पाहतो वाट तुझ्या होकाराची

साक्षीदार आहे नभातले तारे

यल्लप्पा सटवाजी कोकणे

३० ऑक्टोबर २०२२

घमेंड

आपल्याला कितीही यश मिळाले तरी मनात घमेंड असू नये. घमेंड आपले अपयश आहे, कारण घमेंड मध्ये आपण ज्या प्रमाणे वागतो त्यामुळे लोकांच्या मनातून आपण आपले स्थान गमावून बसतो.

यल्लप्पा सटवाजी कोकणे

२४ ऑक्टोबर २०२२

जे पेराल तेच उगवेल!

स्वतःच्या मान-सन्मानाची अपेक्षा करणाऱ्यांनी दुसर्‍यांशी बोलताना स्वतः भानावर राहून बोलणे अपेक्षित असते. कारण आपण जसे दुसर्‍यांशी वागतो तसेच समोरचाही वागण्याचा प्रयत्न करीत असतो. थोडक्यात, जे पेराल तेच उगवेल!

यल्लप्पा सटवाजी कोकणे

 १६ ऑक्टोबर २०२२