दुःखाची जाणीव

दुसर्‍यांच्या दुःखाची जाणीव असणाऱ्या व्यक्ती कोणत्याही परिस्थिती स्वतः आनंदात राहण्याचा प्रयत्न करत असतात. कारण त्यांना हे कळून चुकलेलं असतं की या जगात स्वतः पेक्षा जास्त दुःखी असणारे व्यक्तीही आपल्याच सभोवती असतात.

यल्लप्पा सटवाजी कोकणे 

२१ नोव्हेंबर २०२१

विचारांचा आयुष्यावर परिणाम

मनातील विचार आपल्या आयुष्यावर थेट परिणाम करीत असतात. त्यासाठी वाईट विचार मनात न आणता चांगला विचार करण्याची सवय लावून घ्यावी. यामुळे स्वतःला व आपल्या माणसाला त्रास होत नाही.

यल्लप्पा सटवाजी कोकणे 

१० नोव्हेंबर २०२१

वेळ

वेळ निसटून जाते हातातून 

थांबवून ठेवणे जमत नाही

वेगवान धावणाऱ्या क्षणाला

सजवून ठेवणे जमत नाही

यल्लप्पा सटवाजी कोकणे

०७ नोव्हेंबर २०२१

चांगले विचार

आपल्याला त्रास होईल असे विचार करणे थांबवून चांगले विचार केल्यास शरीरात एक सकारात्मक ऊर्जा वाहू लागते. त्यामुळे भविष्यात चांगल्या गोष्टी घडायला सुरुवात होते.

यल्लप्पा सटवाजी कोकणे 

०७ नोव्हेंबर २०२१

माणूसकी व आपूलकी

आईच्या गर्भापासून ते अंत्ययात्रेपर्यंतचा प्रवास सुखकारक होण्यासाठी माणूसकी व आपूलकी लाभणे गरजेचे आहे. याची सुरुवात आपल्यापासून दुसर्‍यांसाठी होणे फार महत्त्वाचे आहे.

यल्लप्पा सटवाजी कोकणे 

०७ नोव्हेंबर २०२१

पुस्तक वाचन

नियमित पुस्तक वाचणारे व्यक्ती आपल्या चर्चेत किंवा गप्पांमधून वेगवेगळ्या विषय मांडून इतरांचे लक्ष केंद्रित करत असतात.

 यल्लप्पा सटवाजी कोकणे 

२४ ऑक्टोबर २०२१

हरवून गेली रात्र

हरवून गेली रात्र 

काळजात सखे नेहमी

फक्त तुझाच वावर आहे

आठवणीत झुरतो सदा

का रात्रीस जागर आहे?

हरवून गेली रात्र कुठे

सापडेना सूर मनाचा

संभाळून ठेवतो साठा

सार्‍या भेटीच्या क्षणाचा

जादू आहे कशाची ही

बेभान जगणे हे झाले 

स्मरण तुझे झाल्यावर 

गहिवरून मन हे आले

यल्लप्पा सटवाजी कोकणे 

०८ ऑक्टोबर २०२१