विश्वास

ज्या व्यक्तीचा स्वतःवर विश्वास नसेल तर ती व्यक्ती दुसऱ्याबद्दलही नेहमी प्रश्न निर्माण करत असते.

यल्लप्पा सटवाजी कोकणे

१६ मे २०२१

विचारांचे युद्ध

जो माणूस वरून शांत दिसतो ती शांतता राखण्यासाठी त्याला त्याच्या मनात सुरू असलेल्या विचारांच्या युद्धाचा सामना करावा लागतो.

यल्लप्पा सटवाजी कोकणे

०३ मे २०२१

छोटी रात्र

ध्येयास साथ माझी स्वप्नात रंगतो मी

वाटे भिती कशाची छोटीच रात्र आहे

यल्लप्पा सटवाजी कोकणे

०२ मे २०२१

बाजार श्वासांचा

बाजार श्वासांचा

पैसे मोजावे लागतात हल्ली

एक एक श्वास घेण्यासाठी 

स्वतःच जबाबदार होतोय

आपण आपल्या मरणासाठी

नैसर्गिक गोष्टी संभाळण्यास

माणूस कमजोर ठरला आहे

नात्यांचा जीव वाचवण्यास

बाजार श्वासांचा भरला आहे

श्वासच हे अंतीम सत्य आहे 

देहास जिवंत ठेवण्यासाठी

महत्त्वाचा ठरतो प्राणवायू 

एक एक क्षण जगण्यासाठी  

यल्लप्पा सटवाजी कोकणे

२५ एप्रिल २०२१

राग - एक हत्यार

एका माणसाला दुसऱ्या माणसापासून तोडून दूर करणारं हत्यार म्हणजे "राग" आहे.

यल्लप्पा सटवाजी कोकणे

१८ एप्रिल २०२१

जगून थोडं पाहायचं आहे

मनाचे शब्द शांत ऐकून 

जगून थोडं पाहायचं आहे

"नाही" हा शब्द विसरून 

जगणं सारं जगायचं आहे

यल्लप्पा सटवाजी कोकणे

१० एप्रिल २०२१

हक्काची माणसं

घरापासून दूर गेल्यावर आपल्या माणसांची व घराची ओढ लागते तेव्हा समजून जायचं कि आपण हक्काची माणसं कमाविण्यास यशस्वी झालो आहे.

यल्लप्पा सटवाजी कोकणे

०३ एप्रिल २०२१