रोगाचं थैमान (कोरोना)

रोगाचं थैमान (कोरोना)

थैमान मांडलंय रोगानं

बंद झाली देवाची दारं 

डाॅक्टर, पोलिस देव ठरले

वाचवत आहे जग सारं

नाही करत स्वतःची चिंता

लढा सुरूच आहे रोगाशी

माणसातला डाॅक्टर, पोलिस

नेहमी खेळ खेळे जीवाशी

अरे माणासा, शहाणा हो

हिताचे आहे घरात बसणे

नाहीतर खूप मुश्किल आहे 

तुझे तुला माणसांत दिसणे

यल्लप्पा सटवाजी कोकणे 

१३ एप्रिल २०२०

साथीचा रोग

डोळ्यांना दिसणाऱ्या शत्रूशी बळाचा वापर करून, शक्कल लढवून विजय मिळवू शकतो पण जेव्हा न दिसणारा शत्रू (साथीचा रोग) बळावतो तेव्हा आपली मनस्थिती बळकट करायची असते. घर आणि समाजाचं सहकार्यही तेवढंच अपेक्षित असतं.

यल्लप्पा सटवाजी कोकणे 

२९ मार्च २०२०

आठवणीची मिठी

आठवणीची मिठी 

आठवणी तुझ्या रोज

मिठी मारून जातात

तू जवळ असण्याचे

भास होऊन जातात

सवय झाली आहे

वळणावर थांबायची

नजरेत कैद करून

तुला हृदयी जपायची

डोळ्यातले भाव तुझ्या

समजतात सारे मलाही

वेडा जीव तुझ्यासाठी 

कधी कळणार तुलाही?

यल्लप्पा सटवाजी कोकणे 

२८ मार्च २०२०

माणसातला माणूस

मंदिरातल्या देवापेक्षा माणसातला माणूसच संकट समयी मदत करण्यास धावून येतो.

यल्लप्पा सटवाजी कोकणे 

२५ मार्च २०२०

स्वभावातील रंग

धुलीवंदनाच्या दिवशी रंग खेळताना सारे भेदभाव विसरून माणूस आनंदी असतो आणि इतरांनाही आनंद वाटतो. तोच माणूस इतर दिवशी आपले स्वभावातील रंग दाखवून इतरांना दुःखी करण्याचं काम करत असतो.

यल्लप्पा सटवाजी कोकणे 

१० मार्च २०२०

डोळ्यांची भाषा

डोळ्यांची भाषा ज्याला वाचता येते ती व्यक्ती नातं जपण्याच्या परीक्षेत पास होते.

यल्लप्पा सटवाजी कोकणे 

२७ फेब्रुवारी २०२०

आपली वेळ

स्वतःला वेळ दिला किंवा स्वतःसाठी वेळ राखून ठेवला कि, इतरांना भेटायला, संवाद साधायला वेळ मिळतो. आपली वेळ सर्वांना देणंही शक्य होतं.