निवडणूक
संपली आता निवडणूक
संपली सारी आश्वासने
फिरकणार नाही नेता
सांगतो मी विश्वासाने
हक्काने केलं मतदान
बदल घडवायचा होता
नव्याने लुबाडण्यासाठी
तयार आहे आमचा नेता
गरीबी, बेरोजगार, लाचारी
यात तरूण गुरफटलेला
पैशाच्या मागे धावताना
दिसतो नेता भरकटलेला
शेवटी जैसे थे परिस्थिती
असणार तशीच कायम
स्वतःची झोळी भरण्यासाठी
आता नेते काढतील नियम
यल्लप्पा सटवाजी कोकणे
२३ ऑक्टोबर २०१९
अबोला
काहीही संवाद नसला तरी
भाव मनीचे कळून येतात
तू कितीही अबोला धरला
डोळे तुझे बोलून जातात
सुरू असते धडधड मनात
प्रेम व्यक्त करत असताना
कधी गरज नसते सांगायची
भावना या कळत असताना
समोर जेव्हा असताना तू
वाढत जातो वेग श्वासांचा
आणि तू जवळ नसतात
खेळ सुरू होतो भासांचा
यल्लप्पा सटवाजी कोकणे
२० ऑक्टोबर २०१९
आपल्यावर ओढवलेली परिस्थिती जो रंग उधळेल त्या रंगात मिसळून जगायचं असतं. परिस्थितीने उधळलेल्या रंगातून आवडीचे रंग निवडून ते जीवनात भरले की प्रसन्न वाटतं.
यल्लप्पा सटवाजी कोकणे
०४ ऑक्टोबर २०१९
घुसमट नको विचारांची
मनातलं सारं बोलून घे
घातक आहे विचार गर्दी
वाद आता मिटवून घे
यल्लप्पा सटवाजी कोकणे
२९ सप्टेंबर २०१९
मनात साचलेलं सारं काही
थांबवलं आहे सध्या लिहणं
शिकतो आहे आजकाल मी
तिच्या विचारांशिवाय जगणं
यल्लप्पा सटवाजी कोकणे
२९ सप्टेंबर २०१९
शुन्य जेव्हा एकटा असतो तेव्हा त्याला काहीच किंमत नसते. जर तो एखाद्या अंकाच्या शेवटी जाऊन बसतो तेव्हा शुन्याची व त्या अंकाची किंमत वाढते. माणसांनी देखील नेहमी शुन्यासारखं वागावं. माणसांनी माणसांच्या मागे खंबीरपणे उभं रहावं. त्यामुळे स्वतःबरोबर दुसऱ्याचीही किंमत वाढते.
यल्लप्पा सटवाजी कोकणे
०९ सप्टेंबर २०१९
यंदाही आगमन झाले बाप्पाचे।
यावे पाहण्यास रूप देखणे।।
वाट पाहतो आहे आम्ही तुमची।
स्वागतास उभे परिवार कोकणे।।
यल्लप्पा सटवाजी कोकणे
०२ सप्टेंबर २०१९
