यल्लप्पा सटवाजी कोकणे

Saturday, 16 March 2019

सुर्य उगवताना व मावळताना छान दिसतो पण तोच सुर्य डोक्यावर आला तर नकोसा वाटतो. अगदी तसंच माणसाला डोक्यावर बसू देऊ नये. त्रास आपल्याच होतो.

यल्लप्पा सटवाजी कोकणे
१६ मार्च २०१९

आनंद अश्रू येणं बंद झालं
शब्दातला चेहरा आठवताना
आठवणीत रमणे बंद झालं
दुरून आलेलं पत्र वाचताना

झोळीमधल्या सुख दुःखाचं
घरी येणं आता बंद झालं
भ्रमणध्वनीच्या काळामध्ये
पोस्टमनचं येणं बंद झालं

एक पत्र लिहून पाहूया
देऊया जगण्याला मोका
घेऊन पुर्वीचे युग तुम्ही
परत या पोस्टमन काका!

यल्लप्पा सटवाजी कोकणे
२० फेब्रुवारी २०१९

आपण ज्या क्षणी ठाम असतो त्यावेळेस आपल्यावर आपला पुर्ण विश्वास असतो.

यल्लप्पा सटवाजी कोकणे
१६ फेब्रुवारी २०१९

आपल्या डोळ्यांतील अश्रू
आपणच पुसायचे असतात
मदतीचे हात देणारे नेहमी
स्वार्थ का शोधत असतात?

यल्लप्पा सटवाजी कोकणे
१६ फेब्रुवारी २०१९

सहज माझे शब्दांशी
जुळलं आहे छान नातं
रंगती गप्पा मुक्त जेव्हा
गाणं तेव्हा तयार होतं

भासत नाही एकटेपण
मिळता दुःखाचा आहेर
एक शब्दच मित्र माझा
सहज व्यथा येते बाहेर

आहे जादू वेगळी त्यात
नाती सारी जपायची
कागदावर सजतो तेव्हा
दिशा दाखवतो जगायची

यल्लप्पा कोकणे
२७ जानेवारी २०१९

अपयश मिळालं म्हणून खचून जाऊ नये. प्रत्येक गोष्टीची सुरूवात ही शून्यातूनच होते.

- यल्लप्पा कोकणे
१३ जानेवारी २०१९

माणसांना पहाटेच्या काळोखापेक्षा रात्रीच्या अंधाराची भिती जास्त वाटते. आपल्या मनात घर करून बसलेल्या काही गोष्टींचा त्रास हा आपल्यालाच होत असतो.

- यल्लप्पा कोकणे