ऋतूचक्र

ऋतूचक्र

कुठे कधीही पडतो पाऊस
कसेही वाहतात वादळ वारे।।
बदलत आहे मानवा सम
ऋतूचक्र हे निसर्गाचे सारे।।१।।

गारपिटीनेे नष्ट होते शेती
रात्रं दिवस जागून कसलेली।।
मावळते आस असलेली ती
फार दिवस मनात जपलेली।।२।।

जाता कष्ट वाया शेतकर्‍याचे
असते कुठे तेव्हा सरकार?
जाहीर मदतीत त्या शासनाच्या
राजकारणी करतात फेरफार।।३।।

जीवनदाता पाऊस पडणारा
बरसतो अवेळी क्रूर होऊन।।
मानवा, रोपट्याचा वृक्ष करून
घे नाते निसर्गाशी जुळवून।४।।

सुखासाठी केल्या अनेक कृती
फाटते बघ कधीही आभाळ।।
भानावर यावेस माणसा तू
लेकरापरी कर निसर्ग सांभाळ ।।५।।

यल्लप्पा सटवाजी कोकणे
१० मार्च २०१६

होतो उशीर माणूस ओळखण्यास

होतो उशीर माणूस ओळखण्यास 
जगत असताना स्पर्धेच्या युगात।
निसटून जाता वेळ महत्वाची
झुरतो माणूस आपल्याच जगात।।

यल्लप्पा सटवाजी कोकणे
०४ मार्च २०१६

का आलीस पुन्हा?

का आलीस पुन्हा?

झोप कुठे हरवली?
मलाच माझे कळेना।।
भरकटले चित्त आहे
जीवनाचे सुर जुळेना।।१।।

शांत मनात माझ्या
आले उसळून वादळ।।
विसरलो केव्हाच होतो
गजर्‍याचा तुझ्या दरवळ।।२।।

नकोस भेटू पून्हा
नको नवीन डाव।।
नाही ताकद आता
सोसण्यास नवीन घाव।।३।।

आता देत आहे
नवीन वळण जगण्याला।।
नाही अर्थ काहीच
तुजसाठी रोज झुरण्याला।।४।।

का आलीस पुन्हा?
स्वप्नात रंग भरण्यास।।
केव्हाच रमलो होतो
जीवन नवीन जगण्यास।।५।।

यल्लप्पा सटवाजी कोकणे
२७ फेब्रुवारी २०१६

का आलीस पुन्हा?

का आलीस पुन्हा?

झोप कुठे हरवली?
मलाच माझे कळेना।।
भरकटले चित्त आहे
जीवनाचे सुर जुळेना।।१।।

शांत मनात माझ्या
आले उसळून वादळ।।
विसरलो केव्हाच होतो
गजर्‍याचा तुझ्या दरवळ।।२।।

नकोस भेटू पून्हा
नको नवीन डाव।।
नाही ताकद आता
सोसण्यास नवीन घाव।।३।।

आता देत आहे
नवीन वळण जगण्याला।।
नाही अर्थ काहीच
तुजसाठी रोज झुरण्याला।।४।।

का आलीस पुन्हा?
स्वप्नात रंग भरण्यास।।
केव्हाच रमलो होतो
जीवन नवीन जगण्यास।।५।।

यल्लप्पा सटवाजी कोकणे
२७ फेब्रुवारी २०१६

तापत आहे धरणी

तापत आहे धरणी

रोज गजबजलेल्या नदीचे
सुकले आहे काठ।।
थांबून गेली रेलचेल
सर्वांनी फिरवली पाठ।।१।।

भेगा वाढत आहे
हरवली सुपीकता जमिनीची।।
पाणी नाही बंधर्‍यात
चिंता वाढली शेतकर्‍याची।।२।।

घेतला निरोप गारव्याने
तापत आहे धरणी।।
भागवण्यास तहान पक्षी
फिरे शोधीत पाणी।।३।।

निष्ठूर झाला सुर्य
ठेकळं गेली सुकून।।
हिरवं स्वप्न पाहण्यास
पाणी आणायचं कोठून।।४।।

दिली होती आश्वासने
झाली कोरडी आता।।
पाहण्यास हाल शेतकर्‍याचे
फिरकत नाही नेता।।५।।

यल्लप्पा सटवाजी कोकणे
२३ फेब्रुवारी २०१६

गुरूकुल समाज विकास प्रबोधिनी NGO

श्री. जितेश मिंडे (डाॅ. योगेश मिंडे - बदलापूर यांचे मोठे बंधू) हे "गुरूकुल समाज विकास प्रबोधिनी"  (रायगड) संस्थेचे (NGO) संस्थापक आहे. राहणार बदलापूर.  त्यांच्या आग्रहास्तव त्यांच्या संस्थेसाठी घोष वाक्य व कविता लिहण्याचा मान मला मिळाला.  श्री.  जितेश मिंडे यांनी मला हे कार्य सांगितल्याबद्दल मी त्यांचा खुप आभारी आहे.

"गुरूकुल समाज विकास प्रबोधिनी"

घोष वाक्य

ध्यास आहे तुमचा, सहवास नक्कीच गुरूकुलचा

जिथे चिकाटी तुमची, असेल मदत गुरूकुलची

कविता

पुढील आयुष्यात तुमच्या
सहवास नेहमी गुरूकुलचा।।
जिद्द असता तुमची
मदतीचा हात गुरूकुलचा ।।१।।

एकच मनी ध्येय
व्हावा विकास समाजाचा।।
लपला गुरूकुलच्या प्रयत्नात
विजय प्रत्येक गोरगरीबाचा।।२।।

असेल तुमचे सहकार्य
लावू पळवून दुःखाला।।
हरवल्या जिद्दीची जादू
दाखवून देऊ जगाला।३।।

होता मन परिवर्तन तुमचे
सुख नांदेल जीवनी।।
संस्था आपली एकच
गुरूकुल समाज विकास प्रबोधिनी।।४।।

यल्लप्पा सटवाजी कोकणे
२५ फेब्रुवारी २०१६

जाती भेद

जाती भेद

करीत नाही भेदभाव
पाणी वारा कोणावर,
विसरून जाती भेद
प्रेम करा जगण्यावर!

यल्लप्पा सटवाजी कोकणे
२३ फेब्रुवारी २०१६