शिक्षक शिकवताना

शिक्षक शिकवताना विद्यार्थ्यांचे देह,
त्यांच्याच समोर असतात.
पण कळून चुकतं त्यांना,
विद्यार्थी प्रियांत गुरफटलेली असतात.

यल्लप्पा सटवाजी कोकणे
१० फेब्रुवारी २०००

बंदी

त्या दिवशी मी पाहिली खिडकीत,
आलेली ती झाडाची फांदी.
काय वाटले तुला माहित नाही,
म्हणालीस आजपासून तुला डोकावण्याची बंदी.

यल्लप्पा सटवाजी कोकणे
१० फेब्रुवारी २०००

हे भगवंता

हे भगवंता तु,
असं का ठरवलं.
केले प्रेम आमचं यशस्वी,
तिच्या मनात दुसर्‍याला भरवलं.

यल्लप्पा सटवाजी कोकणे
१० फेब्रुवारी २०००

फिर्याद

हे परमेश्वरा काहीजण,
अशी फिर्याद करतात.
पाठवू नको सुंदर मुली,
ज्या आम्हाला बरबाद करतात.

यल्लप्पा सटवाजी कोकणे
०७ मार्च २०००

सावली सोबत आहे

दुर गेले जवळचे,

एकांत जाणवत आहे.

आधार मज देण्यास,

सावली सोबत आहे.

यल्लप्पा सटवाजी कोकणे

२९ एप्रिल २०१५

माझ्या मनाचे झुरणे

कुणास कळले नाही,

माझ्या मनाचे झुरणे.

म्हणून सुचत आहे,

भावना शब्दात उतरवणे.

यल्लप्पा सटवाजी कोकणे

२८ एप्रिल २०१५

किणारा अन् लाट

किणारा अन् लाट

अजब मैत्री आहे

किणारा अन् लाटेची,

काय जादू आहे

निसर्गाच्या या किमयेची?

स्पर्शून हळूच जाते

लाट हि किणार्‍याला,

विलीन होत सागरात

खुणावित जाते वार्‍याला!

काय उपमा द्यावी

दोघांच्या या नात्याला?

यात कसे विसरता येईल

नटखट वेड्या वार्‍याला?

यल्लप्पा सटवाजी कोकणे

१८ एप्रिल २०१५