नाजूक नाती

नाजूक नाती टिकतात
आपल्यांची मनं जपल्यावर
कधी तडा ही जातो
कटू शब्द वापरल्यावर

यल्लप्पा सटवाजी कोकणे
०५ नोव्हेंबर २०१६

मनं मेली माणसांची

मनं मेली आहेत माणसांची
सुख दुःख नाही घेत जाणून,
संवेदनशीलता हरवली जणू
दुसर्‍याच्या दुःखात घेती हौस करून.

यल्लप्पा सटवाजी कोकणे
३० ऑक्टोबर २०१६

पहिली नजर

पहीली नजर

तुझ्या आठवणी सोबत
रोज झुरतो आहे।।
केल्या प्रेमाची सजा
मी भोगतो आहे।।१।।

जादू काय होती
पहिल्या तूझ्या नजरेत?
हरवुन गेले आहे
मन गं तुझ्या कैदेत।।२।।

जमलंच तर भेटून जा
ह्रदयी बाग फुलवुन जा।।
एकदा तरी सखे तू
मज सारखी वागून जा।।३।।

विचलीत होते मन
त्रास होतो जगायला।।
बघ जमतंय का तुला?
माझा विचार करायला।।४।।

यल्लप्पा सटवाजी कोकणे
२३ ऑक्टोबर २०१६

आठवण तुझी आल्यावर

आठवण तुझी आल्यावर
मन गहिवरून आले।।
आठवता सहवास तुझा
मन पाखरू झाले।।१।।

गुंतला जीव तुझ्यात
वेड तुझेच लागले।।
सावरू कसा जीवाला
बेचैन मन हे झाले।।२।।

दूर असली जरी
भास तुझेच होई।।
जाणून घे तु मजला
आठवणीत जीवन जाई।।३।।

यल्लप्पा सटवाजी कोकणे
१३ ऑक्टोबर २०१६

जीवन गाणे

जीवन गाणे

जीवन गाण्याला सुर, आज मला मिळाले।।
झंकारली तार कोणी, जीवन धन्य झाले।।धृ।।

होता अबोला दुःखाचा, शब्द फुटत नव्हते।।
काळीज चिरून सुर, कधीच जुळत नव्हते।।

सुर्यापरी तेज अंगी, आज संचारून गेले।।
झंकारली तार कोणी, जीवन धन्य झाले।।१।।

उजळून दाही दिशा, गेला पळून अंधार।।
नाही कोणी सोबती, फक्त आसवांचा आधार।।

दु:खाशी करून सामना, जगण्यास बळ आले।।
झंकारली तार कोणी, जीवन धन्य झाले।।२।।

जीवन गाण्याला सुर, आज मला मिळाले।।
झंकारली तार कोणी, जीवन धन्य झाले।।धृ।।

यल्लप्पा सटवाजी कोकणे
०५ ऑक्टोबर २०१६

पाऊस

अवनीला हिरवळीत नटवून कधी

पाऊस जातो मनाला सुखावून।।

पूर दुर्घटना घडता जेव्हा

हाच पाऊस जातो दुखावून।।१।।

शेतकऱ्यांच्या डोक्यावर सदा

असतो नेहमीच मायेचा हात।।

धोधो बरसून वैरासारखे कधी

हाच पाऊस करतो घात।।२।।

शाप आहे की वरदान

काय म्हणावे या पावसाला।।

पीक-पाणी कधी मृत्यूचे तांडव

अंदाज लागत नाही जगण्याला।।३।।

भय भलतेच मनाला वाटे

जीव मुठीत धरून जगताना।।

निसर्गासमोर पत्करली हार

पुरता हरलो निसर्ग समजताना।।४।।

यल्लप्पा सटवाजी कोकणे

१९ ऑगस्ट २०१६

माझी मेट्रो

रोज धावणाऱ्या मुंबईला

माझी मेट्रो देते गती।

माझी मेट्रोमुळे मुंबईची

दिवसेंदिवस होते प्रगती॥

सर्वच मेट्रो कर्मचाऱ्यांचे

काम आहे लय भारी।

आणि त्यांच्याचमुळे मेट्रोची

शान आहे लय भारी॥

शिस्त आणि स्वच्छताचे

मेट्रो राखते नेहमी भान।

सलाम माझा त्यांना

जे जपतात मेट्रोची शान॥

यल्लप्पा सटवाजी कोकणे

26 जुलै 2016